Мемлекет басшысының ықпалымен ұлттың біртуар ұлы Дінмұхамед Қонаев есімі бүгінде ардақталып, білдей бір облыс орталығына есімі беріліп жатқан уақытта тағы бір сорақылықтың сұлбасы шықты.
Дәлірек айтқанда, заманы жүріп, әділдігі өзіне игілігі болып тұрғанда атақты Жаркент Арасанда Қонаевтың қонақ үйі болған. Енді сол тарихи жәдігерге көзайым болу тұрсын, маңына жақын барудың өзі мұңдай болып тұр.
Бұл жайтқа қатысты белгілі журналист Есболат Айдабосын өзінің әлеуметтік желідегі парақшасында былай деп ашына жазды:
Кезінде Қонаевтың қолы тиген мүйіз ғой, Асқаровтар көзімен аялаған дүние ғой. Анау төсекке де талай мықты жамбастап жатқан болар.«Өтті дәурен осылай» деген осы. Жаркент Арасандағы Қонаевтың қонақүйі ғой. Ар жағында тікұшақ қонатын алаңқайы да бар екен, — деді ол.
Иа, тұсында ұлттың зиялысы мен атқа мінер азаматы шаңырағынан дәм таптай өтпейтін Жаркент Арасандағы Қонаев демалыс орнының жағдайы осы. Шашылған қоқыс пен сынған төсек, тасталға кәде мүйіз жатыпты алаңқайында. Кісі көргісіз, адам айналғысыз.
Редакциядан: аталған жайтқа байланысты алдағы уақытта толық ақпарат ұсынамыз
Қ. ҚҰРМАН
