Қонаев қаласында үлкен моншаның бірі отқа оранды.
Алматы облыстық төтенше жағдайлар департаментінің мәліметінше, 8 желтоқсанға қараған түні сағат 1:31-де Қонаев-Алматы тас жолының бойында орналасқан «Макао» ойынханасы аумағында моншадан өрт шықты. Өрттің жалпы аумағы 276 шаршы метрді шарпыған.
Монша ағаштан жасалған. Қызыл жалын 02.52-де ауыздықталып, 04.50-де толығымен сөндірілді. Зардап шеккендер мен қаза тапқандар жоқ. Қазіргі таңда моншаның не себепті өртенгені зерттеліп жатыр.
«АЛАТАУ-АҚПАРАТ»
