Жетісу облысына келген Төтенше жағдайлар министрі Юрий ИЛЬИН халықпен кездесіп, өңірге қатысты бірнеше жаңалығымен бөлісті.
«Өңірдегі жағдай тұрақты. Есепті кезеңде қайтыс болғандар саны 41%-ға азайды. Төтенше жағдайлар саны 3,5%-ға азайды. Жалпы, төтенше жағдай орнына 1 800-ге жуық шығу жүзеге асырылды, 322 адам эвакуацияланды», — деді министр.
Министр биылғы қызметінің қорытындылары туралы хабардар етті. Жұмыс жоспары туралы айтып, тұрғындардың өзекті сұрақтарына жауап берді. Сонымен қатар, азаматтарды жеке қабылдап, Жетісу облысындағы ТЖМ бөлімшелерінің ардагерлерімен және жеке құрамымен кездесті. Министрлік қызметкерінің мәртебесін көтеру және жақын арада жалақыны ұлғайту бойынша жүргізіліп жатқан жұмыстар туралы ақпарат берді.
Мәселен, 2025 жылға дейін Талдықорған мен Текеліде, Көксу және Алакөл аудандарында 4 өрт сөндіру депосы салынады.
«2025 жылға дейін Талдықорған және Текелі қалаларында, Көксу және Алакөл аудандарында 4 өрт сөндіру депосын салу көзделген. Өңірді дамытудың 2026 жылға дейінгі жоспары шеңберінде 11 ғимаратқа күрделі жөндеу жүргізу, 2025 жылға дейін құлақтандыру жүйесі мен өрт техникасын сатып алу қарастырылып отыр», — деді министр.
Юрий Ильиннің айтуынша, облыста түрлі мақсаттағы 123 техника бар. Биылғы жыл соңына дейін адамдарды құтқару, ТЖ-ның алдын алу және оларды жою үшін 8 техника сатып алу жоспарланып отыр.
Министр республика бойынша 1 қазаннан басталған жылыту маусымы кезеңінде профилактиканың маңыздылығына назар аударды. Дайындық тамыз айында басталады. Жылыту маусымы бойы тұрғын үй секторында пештерді, электр жабдықтарын, сондай-ақ газ жабдықтары мен баллондарды пайдалану және сақтау бойынша әдістемелік көмек көрсете отырып, профилактикалық рейдтер өткізіледі.
«Жеке тұрғын үй секторын жауапкершілікке тартпайтынымызды, өзімізді және отбасымызды өрт пен көміртегі тотығымен улану жазатайым оқиғаларынан қалай қорғауға болатыны туралы ұсыныстар беретінімізді атап өткім келеді. 15 тамыздан бастап 3 мыңнан астам рейд жүргізілді, 5 мың тұрғын үйде өрт қауіпсіздігінің бұзылуы анықталды (қыздыру аспаптарының жанында жанғыш материалдарды сақтау, пештің үстінде заттарды кептіру), оның ішінде 3 мың үйде олқылықтар жойылды, қалғандарына ұсыныстар берілді. Барлығы 50 мыңнан астам жеке үй профилактикамен қамтылған», — деді Юрий Ильин. Сонымен қатар, министр атаулы көмек көрсету үшін халықтың осал топтарының, яғни, көпбалалы, тұрмысы төмен отбасылар, зейнеткерлер мен мүгедектердің тұрғын үйлерінің саны анықталатынын айтты. Қыркүйек айынан бастап әкімдікпен және үкіметтік емес ұйымдармен бірлесіп 809 дабыл құрылғысы орнатылған.
Бір пәтерде дұрыс пайдаланылмаған газ баллоны көршілер үшін де қауіпті. «Көбінесе газ баллондарын бір пәтерде дұрыс пайдаланбау және сақтау бүкіл кіреберісте бірнеше адам өліміне әкеп соғып, көршілер зардап шегеді. Осыған байланысты газ жабдықтары мен тұрмыстық газ баллондарын пайдалану ережелері бойынша тұтынушыларға де, газ толтыру станцияларының иелеріне де қосымша түсіндіру жұмыстары жүргізіледі. Тек жарамды газ жабдығын пайдалану қажеттігін еске салғым келеді. Сонымен қатар, екі қабаттан асатын көп пәтерлі үйлерде газ баллондарын пайдалануға тыйым салынады», — деп атап өтті Юрий Ильин.
«ЖЕТІСУ-АҚПАРАТ»
