«ДӘРМЕК» жедел-профилактикалық іс-шарасы кезінде Жетісу облыстық полиция департаментінің есірткі қылмысына қарсы іс-қимыл басқармасының қызметкерлері аймақтағы ірі кәсіпорындардың біріне тексеру жасап, 20 тоннадан астам «күкірт қышқылын» сақтау тәртібінің бұзылғанын анықтады.
Кәсіпорын басшысына қатысты Қазақстан Республикасының Әкімшілік құқықбұзушылық туралы кодексінің 427-бабы, 1-бөлімі бойынша әкімшілік хаттама толтырылды. Сондай-ақ, есірткі қылмысына қарсы іс-қимыл басқармасының қызметкерлері республикалық жедел-профилактикалық іс-шара кезінде Талдықорған қаласының 24 жастағы тұрғынынан жалпы салмағы 1,46 грамм болатын «a-ПВП пирролидин» синтетикалық есірткісінің бірнеше дозасын тәркіледі.
Жеке тінту кезінде анықталған синтетикалық есірткіге орай ҚР Қылмыстық кодексінің 296-бабы, 4-бөлігі «Аса ірі мөлшерде есірткі заттарын заңсыз сақтау» бабы бойынша сотқа дейінгі тергеу амалдары басталды.
Қайырхан АМАНДОСОВ
