Алматы облысының полиция департаменті Іле ауданында дәрілерді заңсыз сатудың дерегін анықтады.
Полиция өкілдері «Самнол» психотроптық препаратын рецептісіз сатқаны үшін фармацевтке қатысты ҚР Әкімшілік құқықбұзушылық кодексінің 426-бабы, 1-бөлігі бойынша әкімшілік хаттама толтырды.
— Одан әрі тексеру барысында аталған дәріхана заңсыздықпен айналысатыны белгілі болды. Аталған дерек бойынша ҚР Әкімшілік кодексінің 424-бабының 1-бөлігі (заңсыз медициналық және фармацевтикалық қызмет) бойынша хаттама толтырылды, — деді Алматы облысы полиция департаментінің өкілі, полиция полковнигі Қазбек Мұхамедов.
Естеріңізге сала кетейік, Алматы облысы аумағында «Дәрмек» жедел алдын алу шарасы өткізілуде.
«АЛАТАУ-АҚПАРАТ»
