Жетісу университетінің ұжымы Наурыз мерекесін №3 Студенттер үйінің алаңында салтанатпен қарсы алды.
Қаратал өзенінің жағасына қаз-қатар киіз үйлер тігіліп, ұлттық ойындар ойнауға лайық алаңқайлар жасалды. Сондай-ақ, оқу орнындағы өнерпаздар концерттік бағдарлама ұсынды.
Ілияс ауылына Алматы облысының әкімі Қанат Бозымбаев арнайы келіп, білім ордасының ұжымын құттықтап, Студенттер үйі саябағына ағаш отырғызды.
Өз кезегінде университет басшысы Қуат Маратұлы Жетісу халқы мен ұжымын Ұлыстың ұлы күнімен құттықтап, игі тілегін арнады. Ілияс ауылының қонақтары қазақтың ұлттық ойындарын ойнап, кәсіподақ жайған мерекелік дастарқаннан дәм татып, өнерпаздардың концертін тамашалады.
«ЖЕТІСУ-АҚПАРАТ»
