Талғарда тоғыз қабатты үш үйдің құрылысы басталды. Бұл туралы «Жетісу» газеті мәлімдеді.
Талғар ауданында келесі жылы 200-ден астам отбасы жаңа баспанаға қол жеткізеді деп күтілуде. Пәтердің жалпы саны — 216. Бүгінде құрылыс жұмыстары қарқын алып, екі үйдің іргетасын құятын шұңқыры қазылып қойды. Енді бір үйдің шұңқырын қазу жұмыстары жүріп жатыр.
Жаңа пәтерлер “Нұрлы жер” бағдарламасы аясында “Шаңырақ”, “Бақытты отбасы”, “7-20-25” бағдарламалары аясында кезекте тұрған аудан тұрғындарына беріледі. Сондай-ақ, ауданда тағы да 5 үйдің құрылысы жоспарланған. Құрылыс Талғар ауданының әкімі Қайдар Әбдіхановтың жеке бақылауында болады.
«ЖЕТІСУ-АҚПАРАТ»
