«Jetisу медиа» ақпараттық орталығының қолдауымен, облыстық және жергілікті БАҚ өкілдерінің қатысуымен Қаратал өңірінде баспасөз туры өтіп, журналистер Қаратал өңірінің тарихы және бүгінгі тыныс-тіршілігімен танысты.
рихы және осы құнарлы топырақта туып, түлеген тұлғаларымен әйгілі. Мұны «Қасиетті Қаратал – әулиелер мекені» деп жазылған аркадан аңғаруға болады. Баспасөз өкілдері алғашқы қадамын Ескелді би Жылкелдіұлының (1692-1780 жж.) кесенесіне зиярат етуден бастады. Қасиетті жерде қонақтарды Ескелді бидің ұрпағы, кесене шырақшысы Бақберген Жүнісбаев қарсы алып, қазақтың біртуар перзентінің өмірі мен өнегесі туралы мәліметтер айтты. Қонақтар баба рухына арнап құран оқып, зиярат етті.
Одан әрі журналистер Ескелді ауылдық округіне қарасты «Аксенов» шаруа қожалығына барды. Айнадай жарқыраған шағын көлдің жанында, тамаша табиғат аясында жергілікті кәсіпкер Анатолий Аксенов 10 жылдан бері балық өсірумен айналысады. Соңғы екі жылда құс өсіруді қолға алып, «Линда» тұқымды қаз санын арттырып келеді. Анатолийдің айтуынша, қаздың орташа салмағы 4 келіден кем емес. Құс еті толығымен өңделеді және бұл экономикалық тұрғыдан алғанда өте тиімді. Кәсіпкер қазбен қоса үйрек те асырайды. Үй құстарының әртүрлі тұқымын будандастыру нәтижесінде фермер жұмыртқа өндірісін жандандырып, құс салмағын арттыруға қол жеткізді.
Көлде ақ амур, сазан секілді балықтар өсіріледі. Үйрек пен қаздың саңғырығы өте құнды органикалық тыңайтқыш болғандықтан балықтың өсуі 10-12 есеге артып, сазан балықтарының салмағы 18 келіге жетіпті.
Шаруашылықта 4 инкубатор бар. Оның біреуі 1500 жұмыртқаға, ал қалған үшеуінің әрқайсысы 500 жұмыртқаға арналған. Шаруа қожалығының иесі өсірілген құс пен балықты алдын ала тапсырыс бойынша аймақтық нарыққа шығаруда.
Келесі кезекте журналистер аймақтың мәдени мұрасымен де танысты. Олар жерлесіміз, Ұлы Отан соғысының ардагері, детектив жанрының көшбасшысы Кемел Тоқаевтың есімімен аталған мектепте орналасқан мұражайға барды. Мектеп директоры Ләззат Испанова қонақтарға жазушының жеке заттары, кітаптары, фотосуреттерін көрсетіп, тағы басқа да жәдігерлермен таныстырды.
Журналистер осыдан кейін сүт өнімдерін өндірумен айналысатын «Үштөбе-Айдын» ЖШС-де болып, өнімдерден дәм татып, оң бағасын берді. Қуаттылығы тәулігіне 10-12 тонна сүт өңдейтін зауытта 16 өнім түрі шығарылады. Зауыт басшысы Константин Савинов айран, сары май, кілегей секілді сүт өнімдерін Талдықорған, Текелі қалалары мен Алматы облысының елді мекендеріне тасымалданатынын жеткізді.
Үштөбе қаласының әкімі Сағынбек Карбузов журналистерді Кемел Тоқаев атындағы саябақта күтіп алып, экскурсия жүргізіп, гүлзарлар мен ойын алаңдарын аралатты. Сондай-ақ, қонақтар сервистік әкімдік жұмысымен танысып, мемлекеттік қызметшілердің қызмет көрсету шеберлігін көрді.
Соңында журналистер вокзал алаңындағы саябақта Қаратал ауданының әкімі Ерлан Исабековпен әңгіме өрбітіп, ауданның әлеуметтік-экономикалық дамуы турасындағы сұрақтарына тұшымды жауап алды.
Асхат ӨМІРБАЕВ
Қаратал ауданы
