Ағымдағы жылдың тамыз айында облыс бойынша міндетті әлеуметтік медициналық сақтандыру үшін жұмыс берушілер мен жеке кәсіпкерлердің аударымдары мен жарналарының жалпы сомасы 1,7 млрд. теңгені құрады.
Республика бойынша тамыз айында түскен жарналар сомасы 32,6 млрд. теңгені құрады. «Міндетті әлеуметтік медициналық сақтандыру қоры» КЕАҚ облыс бойынша филиалының директоры Нұрлан Отарғалиев атап өткендей, тамыз айында облыс бойынша 754,5 млн. теңге жұмыс берушілердің аударымдары және 989,5 млн. теңге азаматтық-құқықтық сипаттағы шарттар бойынша жұмыс істейтін жеке кәсіпкерлер мен тұлғалардың жарнасы болып саналады.
МӘМС-ке келіп түскен барлық қаражат сенімгерлік басқару шарты бойынша Ұлттық банкте сақталады. Кейіннен МӘМС шеңберінде көрсетілетін қызметтерді төлеуге жіберіледі.
«Әлеуметтік медициналық сақтандыру қоры» КЕАҚ облыс
бойынша филиалы
