Талдықорған мен Үштөбе арасын жалғаған жолда екі көлік соқтығысып, жүргізушілер көз жұмды. Қайғылы оқиға кешкі сағат 19:15 шамасында болған. Бұл туралы «Жетісу» газеті мәлімдеді.
Алматы облыстық полиция департаменті баспасөз қызметінің мәліметінше, Талдықорған-Үштөбе тас жолының 41-нші шақырымында «Тойота Карина» және «Ауди-80» көліктері бетпе-бет келіп соқтығысқан. Апат салдарынан екі көліктің де жүргізушісі жантәсілім еткен. Сондай-ақ, «Тойота Карина» көлігінің 4 жолаушысы түрлі дене жарақатымен Үштөбе ауруханасына жеткізілген.
Аталған факті бойынша ҚР Қылмыстық кодексінің 345-бабы, 4-бөлігіне сәйкес қылмыстық іс қозғалды, тергеу жүріп жатыр.
«ЖЕТІСУ-АҚПАРАТ»
