Қарасай ауданында мейрамхана өртенді. Өрттің видеосы әлеуметтік желіде тарады.
Төтенше жағдайлар департаментінің хабарлауынша, Қарасай ауданы Қырғауылды ауылындағы мейрамхана өртеніп жатқаны туралы хабарлама кеше кешкі сағат 17:26-да келіп түскен.
«Мейрамханадан шыққан өрт сағат 18:13-де сөндірілді. Ғимараттың 500 шаршы метр аумағын жалын шарпыған. Оқиғадан зардап шеккендер мен мерт болғандар жоқ», — делінген хабарламада. Өрттің шығу себебі әлі анықталып жатыр.
«ЖЕТІСУ-АҚПАРАТ»
