Алматы облысында екі әйел адам 17-18 жылға сотталды. Олар әйел бастарымен адам ұрлап, кісі өлтірген. Атышулы оқиғаны Алматы облысының мамандандырылған соты мәлімдеді.
Сотта анықталғандай, сотталушылар 2020 жылы 4 мамырда жәбірленушінің үйіне келіп, оны Ескелді ауданының Байсов ауылына алдап апарып, сол жерде аса қатыгездікпен өлтірген. Оған өзара дүрдараздық себеп екені айтылады.
Сотталушылардың бірі кінәсін мойындамай, өзін ақтауды сұрады. Екіншісі соттан іс-әрекетін ауырлататын мән-жайларды алып тастап, тек адам өлтіргені үшін деп қайта қарауды сұрады.
Прокурор соттан айыпталушыларды ҚР Қылмыстық кодекстің 125-бабы, 2-бөлігі, 1-тармағы (Адамдар тобының алдын ала сөз байласу бойынша адамды ұрлауы) және 99-баптың, 2-бөлігі, 3,7 тармағы (Адамдарды ұрлау немесе кепілге алу, адам тобының, алдын-ала сөз байласу бойынша адамдар тобының қатысуымен кісі өлтіру) бойынша кінәлі деп табуды сұрап, біріншісін 19 жылға, екіншісін 20 жылға бас бостандығынан айыру туралы түпкілікті жаза тағайындауды сұрады.
Сот іс бойынша жиналған дәлелдемелерді, оның ішінде сот сарапшыларының қорытындыларын, куәлар мен сотталушылардың айғақтарын, сотталушы Б.-ны жеңілдететін мән-жайларды (жас балалардың болуы) және қылмыстық жауаптылық пен мән-жайлардың жазасын ауырлататын жағдайларды ескере отырып, (төтенше жағдайдағы қылмыстық құқық бұзушылық жасау), сотталушылар С. мен Б.-ны ҚР Қылмыстық кодексінің 99-бабы 2-бөлімнің 3-7 тармағы және 125-баптың 2-бөлігі, 1-тармағында көзделген қылмыстар жасағаны үшін кінәлі деп тапты.
Нәтижесінде, олардың бірі 18 жылға (сотталушы С.) және екіншісі 17 жылға (сотталушы Б.) бас бостандығынан айырылды.
Жәбірленушінің материалдық шығынды өндіру және моральдық зиянды өтеу туралы азаматтық талаптары ішінара қанағаттандырылды. Жәбірленушінің пайдасына сотталушылардың материалдық зияны бойынша 1 323 498 теңге өндірілді, өйткені моральдық зиянның орнын толтыру үшін әр сотталғаннан 5 000 000 теңге талап етілді. Сот үкімі әлі заңды күшіне енген жоқ.
«ЖЕТІСУ-АҚПАРАТ»
