ҚР Парламенті Мәжілісі депутаттығына үміткер Мақпал Тажмағамбетова тұрғындармен «Skype» желісі арқылы онлайн жүздесті. Сайлау еліміздің әрбір азаматы үшін бей-жай қарауға болмайтын, мемлекеттегі маңызды өзгерістерге бастайтын науқан.
Сол себепті «Nur Otan» партиясы үгіт-насихат жұ- мыстарында азаматтарды белсенді болуға шақыруды ұмыт қалдырған емес. Кездесу барысында жұртшылыққа алдағы сайлау науқанының маңыздылығы түсіндіріліп, алға қойылған мақсаттар мен бағдарламалар жайы баяндалды. «Nur Otan» партиясының сайлауалды бағдарламасын барынша түсінікті жеткізіп, алға қойып отырған 7 бағытын жүзеге асыру жолындағы халықтың қолдауы, партияның нақты ұстанымы мен өміршең жоспарлары туралы сайлаушыларымен тілдескен үміткер Мақпал Тажмағамбетова ашық әңгіме өрбітті.
Қазіргі таңда халықтың көзі ашық, түрлі ақпарат құралдары, әлеуметтік желі арқылы еліміздегі мәні зор саяси шараның өткізілуі туралы хабардар. Сол себепті, ауыл-аудан жұртшылығы өздерімен байланысқа шыққан үміткерлерге өңірдегі мәселесін жеткізеді. Кездесу барысында үміткер сұрақтарға жауап беріп, тұрғындармен пікір алмасты. Үміткер өзіне тапсырылған аманаттарға адал болу, алдағы уақытта партияның сайлауалды бағдарламасына сәйкес жоспарланған жұмыстарды ширату, халық өтінішін аяқсыз қалдырмау төңірегінде көптің сенімін бекітуге тырысты.
Жиында партияның атқарған жүйелi жұмыстары баяндалды. Үмiткер тұрғындарды 10 қаңтарда болатын сайлауда «Nur Оtan» партиясын қолдауға шақырды.
М. АСЫЛ
