Алматы облысында 24-25 желтоқсан күндері -28 градусқа дейін қатты аяз күтіледі. Бұл туралы «Жетісу» газеті «Қазгидромет» РМК-ға сілтеме жасап хабарлады.
Ауа райы болжамына қатысты дауылды ескертуге сүйенсек, алдағы түнде Алматы облысында 25 градусқа дейін қатты аяз болады. Облыстың солтүстігінде -28 градусқа дейін төмендейді. Кей жерлерде тұман түседі. Оңтүстік-шығыстан соққан желдің екпіні Алакөл ауданы Жалаңашкөл аумағында 18-23 м/с-қа дейін жетеді.
Талдықорған қаласында 24-25 желтоқсан күні түнде 26-28 градусқа дейін төмендейді.
Алматы облысының төтенше жағдай қызметкерлері азаматтарды ауа райының өзгеруін бақылап отыруға және сақтық шараларын ұстануға (жылы киіну, түнде далада қалмау, алыс жолға шықпау) шақырады.
«ЖЕТІСУ-АҚПАРАТ»
Сурет — ғаламтордан
