Талдықорған гарнизонында орналасқан десанттықшабуылдаушы әскери бөлімнің бірінде Отан алдындағы қасиетті борышын өтеп, мерзімін аяқтаған жас десантшылар салтанатты түрде толысқа шығарылды.
Толысқа шығару рәсімінде жүзден астам сарбазға алғыс білдірген бөлім командирі, под- полковник Нұржан Нұрғожин Отан алдындағы борышын адал атқарып, әскери саланың қырсырын меңгерген жандардың аман-есен үйлеріне оралуын тілейтінін жеткізді. Бір жыл бойы әскери мамандықты меңгеріп, жауынгерлік даярлықта жоғары нәтижеге қол жеткізіп, іс жүзінде жоғары машықты паш еткен сарбаздар қызметтік міндетке адалдық танытып, үлгілі әскери тәртіп көрсеткені үшін, жауынгерлік және дене шынықтыру даярлығынан жоғары көрсеткішке қол жеткізгені үшін Грамоталармен, Алғыс хаттармен марапатталды.
Сонымен қатар, жауынгерлерге естелікке арнайы дайындалған бейнероликтер табыс етілді. Әскери сапта өткізген уақыт ішінде олардың әрқайсысы әскери мамандықты шебер меңгеру үшін біршама күш салды, еліміздің қорғаныс қабілеттілігін қамтамасыз етуге өзінің еңбегін, жан дүниесінің бір бөлшегін қосты. Шара соңында сарбаздар салтанатты маршпен және «Десант», «Туған жер», «Домой» әндерін шырқап өтті.
Жанат СЕМБАЕВ,
капитан, Талдықорған гарнизоны баспасөз қызметінің бастығы
