Қазақстанда коронавирусты жұқтыру өсімі тоқтады. Бұл қуанышты жаңалықты Денсаулық сақтау министрлігінің ресми өкілі Бағдат Қожахметов мәлім етті.
— Қазақстанда коронавирусты жұқтыру өсімі тоқтатылды. Ел бойынша жағдай айтарлықтай жақсарды. Атқарушы билік ахуалды қатаң бақылауда ұстап отыр. Медициналық қауымдастықтың санитарлық-эпидемиологиялық қызметі өзіне жүктелген міндетін толық көлемде орындап жатыр. Осылайша, еліміз ең күрделі кезеңді артта қалдырды десек болады, — деді ресми өкіл Орталық коммуникациялар қызметінде.
Осы орайда ол халықты санитарлық ережелерді қатаң орындауға шақырды. «Бірақ жеткен жетістікке қуанып, босаңсуға болмайды. Ендігі міндетіміз – індетті жұқтыру мен өлім-жітімді тоқтату. Осы ретте барша қазақстандықтарға санитарлық ережелерді орындауға шақырамын», — деді Б.Қожахметов.
Сурет ғаламтордан алынды
