«Даму» қоры жүзеге асыратын «Бизнестің жол картасы – 2025» және «Қарапайым заттар экономикасы» мемлекеттік бағдарламаларына түзетулер енгізілді. Үкімет ҚР Ұлттық экономика министрлігінің «Бизнестің жол картасы-2025» және «Қарапайым заттар экономикасы» мемлекеттік бағдарламаларына енгізген өзгерістерін мақұлдады.
Мемлекет басшысының төтенше жағдайлар кезіндегі кәсіпкерлерді қолдау, «БЖК – 2025» және «ҚЗЭ» мемлекеттік бағдарламаларын іске асыру бойынша бірқатар шараны қабылдау жөніндегі тапсырмаларына сәйкес күшіне енген өзгерістер туралы. Субсидиялау құралына арналған «БЖК – 2025» бағдарламасындағы өзгерістер:
1.Салалық шектеулер алынып тасталды (сауда жобаларын (айналым қаражатын толықтыруды қоспағанда), ҚР-ның ПК 24-бабының 4-тармағында көрсетілген қызмет түрлері бойынша жұмыс істейтін жеке кәсіпкерлік субъектілері – құмар ойындары, лотереялар, есірткі бизнесіне байланысты іс-шаралар) құралдар, психотроптық заттар мен прекурсорлар, күзет қызметі және тағы басқаларын қоспағанда);
2.Кәсіпкерлер үшін бірыңғай тариф 6 пайыз;
3.Бағдарламаның үшінші бағыты алынып тасталды (кәсіпкерлердің валюталық тәуекелдерін төмендету);
4.Субсидиялауға жататын несиелер сомасы 5 жылға 7 млрд. теңгеге дейін өсті. Айналым капиталын толықтыру мақсатында бағдарламаның 1-бағыты бойынша несие сомасы 360 млн. теңгеге дейін, бағдарламаның 2-ші бағыты бойынша 500 млн. теңгеге дейін, 2-ші бағыттағы сауда саласындағы жобалар үшін айналым қаражатын толықтыруға субсидияланатын қарыз сомасы 100 млн.
Кепілдік құралына арналған БЖК – 2025 бағдарламасындағы өзгерістер:
1.Іс бастаушы кәсіпкерге бағдарламаның 1-бағыты бойынша 180 млн.теңгеге дейін несие, 2-ші бағыт бойынша 360 млн.теңгеге дейінгі несие кепілдендірілген. Бұл ретте несие сомасының 85 пайызы кепілдендіріледі;
2.Бизнесі жұмыс істеп тұрған кәсіпкерлерге бағдарламаның бірінші бағыты бойынша 360 млн.теңгеге дейін несие, 2 бағыт бойынша 1 млрд.теңгеге дейін кепілдеме беріледі. Несие сомасының 50 пайызы кепілдендіріледі;
3.Бағдарламаның бірінші бағыты бойынша 360 млн. теңгеге дейін айналым қаражатын 100 пайыз толықтыруға бағытталған несиелер, 2 бағыт бойынша 500 млн.теңге, сауда салаларындағы айналым капиталын толықтыруға бағытталған жобаларға несие сомасы 100 млн. теңге;
4.Салалық шектеулер алынып тасталды (ҚР-ның ПК 24-бабының 4-тармағында көрсетілген сауда мен қызметті қоспағанда).
«БЖК – 2025» бағдарламасында: азық-түлік, сабын және жуғыш заттар өндірісі, санитарлық мақсаттағы қағаз өнімдері, автомобильдермен жүк тасымалы, қойма және қосалқы көлік қызметі, туризм, жалға беру және жеке меншік секторлардағы ірі кәсіпкерлік субъектілері, жалға беру секілді ірі бизнес субъектілері қосылды.
«Қарапайым заттар экономикасы» бағдарламасына енгізілген өзгерістер:
1.Бағдарламаны қаржыландырудың жалпы көлемі 10 жылға дейінгі мерзіммен 1 трлн.теңгеге өсті;
2.Бағдарламаға жататын тауарлардың тізімі кеңейтілді;
3.Екінші деңгейлі банктермен (ЕДБ) бірге агроөнеркәсіптік кешенде (АӨК) өндіріс және қайта өңдеу бойынша басым жобаларды қаржыландыру операторы Аграрлық несие корпорациясы болып беікітілді;
4.Негізгі қарызды және сыйақыны несие мерзімінің жартысынан аспайтын мерзімге кейінге қалдыру. Сонымен қатар, мұндай жағдайлар Мемлекет басшысының, ҚР Үкіметінің, Президент Әкімшілігінің тиісті шешімдерімен расталуы керек.
«Даму» кәсіпкерлікті дамыту қоры» АҚ басқарма төрайымы Гаухар Бурибаеваның айтуынша, өңірлерде қаражат тапшылығы жоқ. Мемлекет «БЖК – 2025» және «ҚЗЭ» субсидиялары мен кепілдіктеріндегі осы өзгерістерді іске асыру үшін 2020 жылға қосымша қаржы бөлді, қолда бар қаражатқа қосымша 44 млрд.теңге бөлінді.
Осы бағдарламаларда қабылданған өзгертулер көп кәсіпкерге көмектесуге, бизнес жағдайларын жақсартуға және Қазақстан экономикасы үшін қажет жобаларды қаржыландыру мүмкіндіктерін кеңейтуге көмектеседі.
Айгүл БАЙБОСЫНОВА
