Бүгін Алматы облысының әкімі Амандық БАТАЛОВ «Facebook» әлеуметтік желісінен жеке аккаунт ашты. Халықпен етене болу және аймақ тұрғындарымен бірлесіп жұмыс істеу мақсатында жасалған игі қадамды қолдап, құттықтаушылар қатары өте көп. Көпшілігі әкімнің суретіне пікір жазып, ел игілігі жолындағы ісіне шын жүректен сәттілік тілеуде.
Бүгінде тұрғындардың басым көпшілігі күнделікті жаңалықтарды әлеуметтік желіден оқитын жағдайға жетті. Сонымен бірге, түрлі маңызды оқиғалар әлеуметтік желі бетінде қызу талқыланып жатады. Әлеуметтік желіге әкімнің тіркелуі жетісулықтардың қуанышын еселей түсті. Тіпті, кейбір желі қолданушылары әкіммен түскен селфи-суреттерін жариялап, ізгі тілектерін жолдаған. Аккаунттың фонында асқар тау суреттері бейнеленген.
«Құрметті жетісулықтар! Қазіргі таңда әлеуметтік желілердің әлеуеті күн санап артып келеді. Сондықтан, «Facebook» желісінде парақша аштым. Бұл парақша жаңалықтармен бөлісуге, сіздермен конструктивті диалог құруға мүмкіндік беретін тың тәсілдің бірі болады деп ойлаймын», — деп жазды Амандық Ғаббасұлы алғашқы постында.
Тіркелемін деушілерге әкімнің жеке парақшасының сілтемесі: https://www.facebook.com/AmandykBatalov
«ЖЕТІСУ-АҚПАРАТ»
