Талдықорғандағы №1 Балалар мен жасөспірімдер спорт мектебі түрлі жарыстарға барып олжамен оралды. Осыған орай жүлделі орын алған балалар спорт мектебінде марапатталды.
Еркін күрес. Шымкентте 1998-2000 жылғы жасөспірімдер арасында еркін күрестен генерал С. Рахимовты еске алуға арналған XXII халықаралық турнир өтті. Байрақты бәсекеде облыс намысын қорғаған Еркебұлан Алшыбаев 84 келі салмақта, Алинұр Сәбетжан 84 келіде қола жүлдеге қол жеткізді.
Армрестлинг. Таразда армрестлингтен ашық Азия Кубогында Сәкен Орманқұлов 52, Әлібек Жанұзақов 52, Евгений Музалевский 57, Евгения Телятникова +70, Диас Қайрат 55 келі салмақта күміс жүлдені иемденсе, Арман Оразалиев 80, Наталья Максимова 70 келі салмақ дәрежесінде қола жүлдені қанжығасына байлады.
Бокс. Қызылордада 2003-2005 жылғы жасөспірім ұлдар мен қыздар арасында Жалаңтөс Баһадүр бабамызды еске алуға арналған XI республикалық турнир өтті. Дүбірлі додада былғары қолғап шеберлеріміз жақсы нәтежиеге қол жеткізді. Атап айтсақ, Жанболат Сағымбек 40, Ақбар Бисарев 42 келіде күміс жүлдегер атанса, 46 келіде Әлімжан Әбілхамит пен 48 келі салмақта Ерасыл Мұқажан қола жүлдегер атанды.
А. НАЗАРҰЛЫ.
