Қазақстан Республикасы Экологиялық кодексінің 154-бабына сәйкес табиғат пайдаланушылар қоршаған ортаны қорғау саласындағы уәкiлеттi органға қалдықтарды түгендеу жөніндегі есепті жолдайды.
Қалдықтарды түгендеу жөніндегі есеп нысанын және оны толтыру жөніндегі нұсқаулығы Қазақстан Республикасы Энергетика министрінің м.а. 2016 жылғы 29 шілдедегі № 352 бұйрығымен бекітілген.
Есеп жыл сайын 1 қаңтардан 1 наурызға дейін қағаз немесе электрондық жеткізгіштерде ақпараттық жүйенің экрандық нысанын толтыру (ҚОҚ БАЖ – қоршаған ортаны қорғаудың бірыңғай ақпараттық жүйесі) және ақпаратты беруге жауапты табиғат пайдаланушының лауазымды адамының электрондық цифрлық қолтаңба қоюы арқылы ұсынылады. ҚОҚ БАЖ-нің бағдарламасына кіру үшін сілтеме: (http://oos.energo.gov.kz/).
ҚОҚ БАЖ-нің бағдарламасында «Қалдықтарды түгендеу бойынша есеппен жұмыс істеудің нұсқамасы» – бейнесабағы орналастырылған. Жүйенің бастапқы бетінде (сол жақ жоғарғы бұрышта «нұсқама» бөлігінде) сондай-ақ, жүйеге кіргеннен кейін «Нұсқама» мәзірінде – «Қалдықтарды түгендеу бойынша есеп (бейне)» (https://www.youtube.com/embed/pbszEhsJ7dA).
Сондай-ақ, ағымдағы жылдың қаңтар айынан бастап, есеп тапсыру кезінде пайда болатын сұрақтар және жүйенің техникалық сұрақтары бойынша кеңес беретін қолдау қызметі (байланыстар: 8-775-658-32-87, 8-747-536-89-86) жұмыс істеуде.
С. ҚАНАПИЯНОВ,
Алматы облысы бойынша экология
департаментінің бас маманы.
