Сот отырысында жауап берген Әділжан мылтықты оқиға орнына Шерзат есімді азамат алып келгенін айтты.
«Мылтықты Шерзат інім алып келді деп айтты. Ал атқаны жайлы видеода бар, оны айта алмадым», – деді ол.
Адвокат тарапынан Ғайыпбаевпен арадағы диалогтың толықтығы жөнінде сұрақ қойылды. Заңгер видеоға түспей қалған жайттар болған болуы мүмкін екенін ескертіп:
«Ол жерде бейнеге түсірілмей қалған жерлер болған шығар. Ғайыпбаев толық айтып бере алды ма сізге?» – деп сұрады.
Медет Әділжан бұл сұраққа:
«Видеода не бар — сол болды. Одан басқа арамызда әңгіме болған жоқ. Тек сурет бойынша ғана айтты», – деп жауап берді.
Сондай-ақ ол сотқа Ғайыпбаевтан ресми жауап алынбағанын жеткізді.
«Іс бойынша бізден бөлек бірнеше тергеу тобы жұмыс істеді. Әрқайсының өз міндеті болды. Маған жәбірленушімен сөйлесіп, ақпарат алу тапсырылды», – деді полиция қызметкері.
Қазіргі таңда сот процесі жалғасып жатыр. Іс бойынша басқа да тұлғалардың жауаптары тыңдалуы мүмкін.
