Бұған дейін мамандандырылған ХҚКО-ларда азаматтарды сәйкестендіру тек ұсынылған құжаттар негізінде жүзеге асырылатын. Енді, рәсімдеу кезінде азаматтың түрі автоматты түрде суретке түсіріліп, жүйе оны мемлекеттік деректер базасындағы суретпен салыстырады. Бұл жаңалық жалған құжаттар мен фотосуреттердің қолданылуына тосқауыл қояды.
Мамандандырылған ХҚКО-ларда сыбайлас жемқорлық тәуекелдерін азайту
«Биометриялық сәйкестендіру технологиясы – мемлекеттік қызмет көрсету жүйесін ашық әрі заңды етуге бағытталған маңызды қадам», – деді Мемлекеттік корпорацияның Басқарма төрағасы Арман Кенжеғалиев. Оның айтуынша, бұл жүйе адами факторды жоюға және сыбайлас жемқорлық тәуекелдерін азайтуға мүмкіндік береді.
Егер азамат биометриялық сәйкестендіруден өтпесе, жүйе қызмет көрсету мүмкіндігін бұғаттайды.
Қызметтерді алу тәсілдері кеңейді
Бүгінде мемлекеттік қызметтерді ХҚКО-лардан бөлек, электрондық үкімет порталы, «ХҚКО» мобильді қосымшасы және екінші деңгейлі банктердің қосымшалары арқылы да алуға болады.
«Азаматтарға арналған үкімет» Мемлекеттік корпорациясы КЕАҚ Жетісу облысы бойынша филиалы
