Қазақстанда халықтың қартаю үрдісі байқалуда. 2024 жылы елімізде қартаю индексі 31,1-ге жетіп, өткен жылмен салыстырғанда 1,6 пайыздық тармаққа артты (2023 жылы — 29,5), деп хабарлайды 7-SU.KZ.
Ұлттық статистика бюросының мәліметінше, бұл дегеніміз – елімізде 0 мен 15 жас аралығындағы әрбір 100 балаға 65 жастан асқан 31,1 қарт адамнан келеді деген сөз.
Өңірлер бойынша қартаю деңгейі мынадай:
-
Ең жоғары көрсеткіш Солтүстік Қазақстан облысында тіркелген – мұнда 100 балаға 78,1 қарт адамнан келеді.
-
Одан кейінгі орындарда Шығыс Қазақстан облысы (76) және Қостанай облысы (66,4).
Ал ең төменгі көрсеткіштер:
-
Маңғыстау облысында – 15,2;
-
Түркістан облысында – 15,9;
-
Шымкент қаласында – 16,1.
Сондай-ақ, қалалық жерлерде қартаю деңгейі ауылға қарағанда жоғары: қалаларда бұл көрсеткіш – 33,4, ал ауылдық жерлерде – 27,5.
Анықтама: Қартаю индексі – бұл халықтың жас құрылымын сипаттайтын демографиялық көрсеткіш. Ол 65 жастан асқан адамдар санының 0-14 жас аралығындағы балалар санына қатынасы ретінде есептеледі.
Мамандардың пікірінше, бұл үрдіс денсаулық сақтау саласы, еңбек нарығы және зейнетақы жүйесіне ұзақ мерзімді әсер етуі мүмкін.
Фото: ozon.ru
