Қазақстандық еркін күрес шебері Едіге Қасымбек Болгарияның Самоков қаласында өтіп жатқан 20 жасқа дейінгі спортшылар арасындағы әлем чемпионатының финалына жолдама алды. Бұл туралы 7-su.kz ақпараттық порталы Stan.kz ақпарат агенттігіне сілтеме жасап хабарлайды.
125 келіге дейінгі салмақта белдескен 18 жастағы Қасымбек турнирді 1/8 финалда моңғолиялық Нарантулга Дармаабазарды 15:12 есебімен жеңуден бастады.
Ширек финалда ол оңтүстіккореялық Байджун Джангты 6:0 есебімен тізе бүктірді. Ал жартылай финалда америкалық Коул Мирасоланы айқын басымдықпен ұтып, белдесу мерзімінен бұрын 11:0 есебімен аяқталды.
Алтын медаль үшін шешуші белдесуде қазақстандық балуан ирандық Мохаммад Нежадпен күреседі.Ол ½ финалда әзербайжандық Юсиф Дурсуновты ұтқан еді.
