Облыста қант қызылшасын егу алқабы бір жарым мың гектарға қысқарды. Жүгері мен бидай егістігі де соншалықты азайды. Олардың орнына майлы дақылдар мен арпа себіледі.
Көктемгі егіс жұмыстарын талапқа сай өткізу үшін бес жарым мың тонна дизель отыны бөлінген. Ауыл- шаруашылығы саласын қолдауға барлығы 40 миллиард теңге жұмсалмақ. Олардың жартысы – субсидияларға. Ал қант қызылшасы шаруашылығына мемлекеттік қолдау көлемі бұрынғысынша, тоннасына 40 мың теңгеден қалды.
Облыстық ауылшаруашылығы басқармасы басшысының орынбасары Бақтияр Шампиковтың айтуынша, қазір Көксу қант зауыты жаңғыртудан өткізілуде. Бұл жұмыстар аяқталған соң кәсіпорынның өндірістік қуаттылығы екі есеге артып, жұмыс қарқыны үдей түспек. Бұдан басқа, Текелі қаласында жаңа қант зауытын салу жоспарланған. Яғни, бұл балтамыр егістігін одан әрі ұлғайтуға септігін тигізбек.
А. Ыбырай
Фото: Жұмабай МҰСАБЕКОВ
