Қаржаубай Нұрымов күдіктілердің үстінен жаңа арыз түсірмек, деп хабарлайды Ulysmedia.kz сайты.
Талғардағы төбелес кезінде қаза тапқан Шерзат Полаттың әкесі Қаржаубай Нұрымов ұлын өлтірді деп ұсталған күдіктілердің үстінен жаңа арыз түсіріп жатыр.
Бұл туралы жәбірленуші тараптың жаңа адвокаты Мейірман Шекеев хабарлады.
“Біз іс материалдарын зерттей келе қылмыстық іс шеңберінде азаматтық талап берілмегенін анықтадық. Бұл бойынша біз өзіміздің талабымызды дайындап жатырмыз. Оның бәрі Қаржаубай қаржылай пайда көрсін деген мақсатта жасалып отырған жоқ. Оны қамауға алынғандарға сот үкімі шыққаннан кейін олардың мерзімінен бұрын шығып кетуіне кедергі келтіру үшін жасап отырмыз”, дейді Шекеев.
Фото: Видеодан алынған кадр
