Мемлекет басшысы Қасым-Жомарт Тоқаев Ұлттық құрылтай отырысында халықты алдап, ақша тауып жүргендерді бақылауға алуды тапсырды, деп хабарлайды 7-su.kz желілік басылымы.
Құрылтай мүшелері соңғы уақытта елімізде алаяқтық әрекеттердің жиілеуіне алаңдаушылық білдірді. Қайырымдылыққа ақша жинаймыз деп, оны жеке пайдасына жарататын теріс пиғылды адамдардың саны артқан. Сонымен қатар, интернет-алаяқтықтан зардап шегетін азаматтар көбейіп келеді, – деп атап өтті Мемлекет басшысы.
Тоқаев ақыл айтушылардың көптігіне назар аударды.
“Қазір жұртқа ақыл айтып, ақша табатын жалған психологтар мен ‘коучтардың’ саны көбейіп кетті. Оларға сеніп, алданып қалғандар көп. Маған бұл мәселеге қатысты көптеген шағымдар түсті. Жауапты органдар бұл мәселені де назарға алуы тиіс”, – деді Президент.
Фото: Ақорда
