Қазгидромет 21 қазан, сейсенбіге арналған ауа райы болжамын ұсынды, деп хабарлайды 7-su.kz ақпарттық порталы.
Синоптиктердің дерегінше, еліміздің шығыс және оңтүстік-шығыс аймақтарында түнгі уақытта суық күшейеді.
Жетісу облысының орталығында мен шығысында, сондай-ақ Алматы облысының солтүстігінде сынап бағаны 1–3 градус суықты көрсетіп, үсік жүреді.
Елдің батысында жаңбыр жауады
Республиканың батыс өңірлерінде солтүстік-батыс циклонның әсерінен жаңбыр жауады.
Ал елдің қалған аумағында солтүстік антициклон ықпал етіп, ауа райы жауын-шашынсыз болады.
Сонымен қатар, республика бойынша желдің екпіні күшейіп, солтүстікте, солтүстік-батыста, шығыста және оңтүстік-шығыстың таулы аймақтарында тұман түсуі мүмкін.
Бірқатар өңірде өрт қаупі жоғары
Метеорологтар бірнеше облыста жоғары және төтенше өрт қаупі сақталатынын ескертті.
Жоғары өрт қаупі бар өңірлер:
- Маңғыстау облысы,
- Атырау облысының солтүстік-шығысы мен оңтүстік-шығысы,
- Ақтөбе облысының оңтүстігі мен шығысы,
- Жамбыл облысының орталығы,
- Қызылорда облысының солтүстігі мен орталығы,
- Алматы облысының батысы,
- Қостанай облысының оңтүстік-батысы,
- Ақмола облысы,
- Ұлытау облысының солтүстігі, шығысы және орталығы,
- Абай облысының оңтүстігі.
Төтенше өрт қаупі бар өңірлер:
- Қызылорда, Түркістан облыстары,
- Атырау облысының солтүстігі, оңтүстігі мен шығысы,
- Жамбыл облысының батысы мен солтүстігі,
- Ақтөбе облысының батысы, солтүстік-шығысы мен орталығы,
- Алматы облысының солтүстігі,
- Қостанай облысының оңтүстігі,
- Батыс Қазақстан және Ұлытау облыстарының оңтүстігі.
Қазгидромет мамандары тұрғындарға далада от жағудан, құрғақ шөпті өртеуден және өрт қауіпсіздігі ережелерін бұзудан аулақ болуды ескертеді.
