Қазақстан Үкіметі шопандар мен малшылардың зейнеткерлік жасын төмендету мүмкіндігін қарастыруда. Бұл туралы 7-su.kz ақпараттық порталы orda.kz сайтына сілтеме жасап хабарлады.
Аталған бастама туралы депутаттық сауалға жауап берген Сауда және интеграция министрі Серік Жұманғарин мәлім етті. Оның айтуынша, бұл шара президенттің тапсырмасымен әзірленіп жатқан 2026-2030 жылдарға арналған мал шаруашылығын қолдау мен дамытудың жаңа кешенді жоспарының бір бөлігі болып табылады.
Құжатта ауылдық жерлердегі жұмысшыларға әлеуметтік жеңілдіктер енгізу қарастырылған. Атап айтқанда, малшылардың балаларына тегін жоғары білім алу және әскери қызметтен босату ұсынысы бар.
Министрдің сөзінше, мемлекет ет өндірісін дамыту бағытында жүйелі жұмыс жүргізіп жатыр. Қазіргі таңда субсидиялау тетіктері жетілдіріліп, жеңілдетілген несиелеу бағдарламалары кеңейтілуде. Мәселен, пайыздық мөлшерлеме жылына 2,5-5% деңгейінде белгіленіп, фермерлерді біріктіретін «ет кластерлері» жобасы іске асырылуда.
