«Қазгидромет» РМК синоптиктері 11 қарашаға арналған ауа райы болжамын ұсынды.
Солтүстік және орталық өңірлерде – Ақмола, Қостанай, Солтүстік Қазақстан, Павлодар, Қарағанды, Ұлытау және Шығыс Қазақстан облыстарында жаңбыр мен қар аралас жауын-шашын болады. Кей аймақтарда көктайғақ, бұрқасын және тұман күтіледі. Желдің екпіні секундына 15-25 метрге дейін жетуі мүмкін.
Ауа температурасы түнде -10°С-қа дейін төмендеп, күндіз -2…+4°С аралығында сақталады.
Астанада күн бұлтты, қар аралас жаңбыр жауып, көктайғақ пен екпінді жел байқалады.
Алматы, Жетісу және Абай облыстарында жауын-шашынсыз, негізінен ашық ауа райы күтіледі. Түнде және таңертең таулы аймақтарда тұман түседі.
Температура түнде -5…-12°С, күндіз +7…+13°С аралығында болады.
Оңтүстік өңірлерде – Түркістан, Жамбыл және Қызылорда облыстарында күн жылы әрі жауын-шашынсыз өтеді. Кей жерлерде тұман түсіп, желдің екпіні 20 м/с дейін күшеюі мүмкін.
Түнгі температура -3…+3°С, ал күндіз +12…+17°С шамасында. Шымкентте ауа райы жылы болады.
Батыс аймақтарда – Батыс Қазақстан, Атырау, Ақтөбе және Маңғыстау облыстарында жаңбыр мен қар аралас жауын күтіледі. Түнде және таңертең тұман, жолдарда көктайғақ болуы мүмкін.
Ауа температурасы түнде 0…+8°С, күндіз +10…+15°С аралығында болады.
