Талдықорғанда Айзат Жұманованың қаза болуына қатысты іс бойынша алдын ала тыңдау өтті, – деп хабарлайды 7-su.kz ақпараттық порталы.
Алдын ала тыңдау барысында прокурор айыптау актісін оқыды. Сот келесі отырыстың өтетін уақытын – 5 желтоқсан деп белгіледі.
Еске салайық, Жетісу облысы, Ақсу ауданына қарасты Баласаз ауылында қоғамда резонанс тудырған аса ауыр қылмыс тіркелген еді.
32 жастағы Айзат Жұманова көптеген жарақаттардан көз жұмды. Туыстары оның бұл жарақаттары ұзақ уақыт бойы жасалған азаптаулар салдарынан болғанын айтқан.
Марқұмды өлтірді деген күдік оның күйеуі – Айбар Жанболатқа тағылды.
