«Учаске» жедел-алдын алу шарасы кезінде Панфилов аудандық ПБ учаскелік инспекторлары «QazSpirits» компаниясы өкілдерімен бірге акцизсіз алкоголь өнімдерін заңсыз сақтау дерегін анықтады.
Тексеру барысында 38 жастағы тұрғынның ауласындағы сарайдан акциздік белгілері жоқ, қолдан жасалғаны айқын 1 197 бөтелке түрлі ішімдік тәркіленді.
«QazSpirits» мамандары тәркіленген өнімдердің сапа стандарттарына мүлдем сәйкес еместігін және тұтынушылар денсаулығына елеулі қауіп төндіретінін растады.
Жиналған материалдар заңда көзделген шараларды қабылдау үшін экономикалық тергеп-тексеру департаментіне жолданады. Полиция акцизсіз және контрафактілік алкоголь айналымын анықтау және алдын алу жұмыстарын жалғастырып келеді.
