Үкімет алдағы уақытта мал бағатын жұмысшыға арнап әлеуметтік пакет ұсынбақшы, деп хабарлайды 7-su.kz ақпараттық порталы Qazaq.Today сайтына сілтеме жасап.
Бұл жаңалықты премьер-министрдің орынбасары – ұлттық экономика министрі Серік Жұманғарин жеткізді. Яғни, бақташылар еңбегіне қосымша жәрдемақы алып, ерте зейнетке шығады. Ал бала-шағасы оқуды тегін оқып, тіпті әскерден босатылады. Жұманғариннің сөзінше бастама – 2026-2030 жылдарға арналған мал шаруашылығын қолдау және дамыту жөніндегі кешенді жоспардың бір бөлігі. Мәселенің мән-жайын Ауыл шаруашылығы министрлігі түсіндірді.
«Бақташылар, яғни, түйеші, шопандардың зейнет жасын төмендету, балаларын грант арқылы оқыту бойынша қосымша жеңілдіктер қарастыру жөнінде ұсыныс келіп түскен болатын. Қазіргі таңда оны жұмыс тобы қарастырып жатыр», – дейді ведомство мамандары.
