Испанияның Мадрид қаласында өткен Combat Jiu-Jitsu спорт түрі бойынша Әлем чемпионатында Алакөл ауданынан қатысқан спортшылар тамаша нәтижеге қол жеткізді. Жерлестеріміз байрақты бәсекеде жоғары деңгейде өнер көрсетті.
Жарыс қорытындысы бойынша:
Бақдәулет Серікқали– алтын медаль
Максим Белаусов– күміс медаль
Даниял Қайратұлы – қола медаль
Алакөлдің намысын қорғаған спортшылардың бұл жетістігі – аудан көлемінде бұқаралық спорттың қарқынды дамуының айқын дәлелі. Соңғы жылдары спорт инфрақұрылымының жақсаруы, жасөспірімдерге арналған үйірмелердің көбеюі және жаттықтырушылар құрамының кәсіби деңгейінің артуы өз нәтижесін беруде.
Сонымен бірге, халықаралық деңгейдегі мұндай жеңістер аудан жастарына ерекше серпін беріп, жаңа мақсаттар қоюға жігерлендіреді. Бұл – болашақ чемпиондардың қалыптасуына үлгі болатын тарихи сәт.
Алакөлдік спортшыларды шын жүректен құттықтай отырып, алдағы жарыстарда да биік белестерді бағындыруына тілектестік білдіреміз!
