Көксу ауданында терроризмге қарсы жұмыс тобының кезекті отырысы өтті. Жиынға аудан әкімінің орынбасары Абзал Зейнулда төрағалық етті.
Отырысқа жұмыс тобы мүшелерімен бірге Қазақстан Республикасы Ұлттық қауіпсіздік комитетінің Жетісу облысы бойынша департаментінің Қаратал аудандық бөлімінің аға жедел уәкілі Серік Қыдыржанұлы Күздеубаев қатысты.
Ол өз құзыреті аясында қауіпсіздік мәселелері бойынша ұсыныстарын білдіріп, аудан аумағындағы алдын алу шараларын күшейтудің маңыздылығын атап өтті.
Жиында екі негізгі мәселе қаралды:
- Аудандағы терроризмге қарсы іс-шаралардың орындалу барысы
- Алдағы кезеңге арналған профилактикалық жоспарларды нақтылау
Қатысушылар өз салалары бойынша есеп беріп, ұсыныстар мен пікірлерін ортаға салды.
Кеңес соңында хаттамалық шешімдер қабылданып, тиісті мекемелерге нақты тапсырмалар берілді. Аудан әкімдігі терроризмнің алдын алу бағытындағы жұмыстарды жүйелі түрде жалғастыратынын атап өтті.
