Талдықорған қаласындағы №12 «Бәйтерек» балабақшасының тәрбиеленушілері халықаралық деңгейде үлкен жетістікке қол жеткізді. Мұхаметхан Ай-Моншақ, Асылбек Мұстафа және Назарбеков Алихан Дубай қаласында өткен «Жас жұлдыз» халықаралық балалар шығармашылық байқауының «Көркем сөз» номинациясы бойынша Бас жүлдені жеңіп алды.
Жас өнерпаздардың өнері қазылар алқасы тарапынан жоғары бағаланып, үш бүлдіршін де келесі кезеңге өтетін арнайы жолдаманы иеленді.
Енді Талдықорғанның дарынды бүлдіршіндері Стамбул қаласында өтетін келесі халықаралық шығармашылық додаға қатыспақ. Бұл жеңіс олардың өнерге деген ынтасын арттырып қана қоймай, қаланың да абыройын асқақтатты.
Балабақша ұжымы балалардың табысына қуанып, олардың еңбегін бағалаған ұйымдастырушыларға алғыс білдірді.
