Мемлекет басшысының Жарлығымен Әсел Жұбанышқызы Жанасова Қазақстан Республикасы Президенті Әкімшілігі Басшысының орынбасары болып тағайындалды. Осы шешімге сәйкес ол бұған дейінгі атқарған қызметінен босатылды, – деп хабарлайды 7-su.kz ақпараттық порталы.
Әсел Жанасова 1987 жылы Алматы қаласында дүниеге келген. Кембридж университетінің түлегі. Еңбек жолын 2010 жылы ENRC Kazakhstan компаниясында ақпараттық технологиялар маманы ретінде бастаған.
2016-2017 жылдары «Зерде» ұлттық инфокоммуникация холдингінің басқарма төрайымы болды.
2018-2020 жылдары «Астана» халықаралық қаржы орталығының цифрлық технологиялар жөніндегі басқарушы директоры қызметін атқарды.
2020-2022 жылдары Сауда және интеграция вице-министрі болып жұмыс істеді.
2022 жылдың қазанында «Қазпошта» АҚ басқарма төрайымы қызметіне тағайындалды.
2025 жылдың маусымында Президент кеңесшісі болған ол енді Президент Әкімшілігі Басшысының орынбасары лауазымына көтерілді.
