Қазақстан Президенті Қасым-Жомарт Тоқаев 12 желтоқсан күні Швейцария Конфедерациясының Президенті болып қайта сайланған Ги Пармеланға құттықтау жеделхатын жолдады.
Бұл туралы 7-su.kz ақпараттық порталы хабарлайды.
Мемлекет басшысы құттықтауында Ги Пармеланның көшбасшылық қабілеті мен ел игілігі үшін атқарған табанды еңбегінің нәтижесінде жоғары сенімге ие болғанын атап өтті. Сондай-ақ Тоқаев Швейцарияның жаңа президенттік мерзімінде де халықаралық аренада маңызды рөл атқара беретініне сенім білдірді.
Президент жеделхатында Ги Пармеланға жауапты мемлекеттік қызметінде табыс тілеп, Швейцария халқына бақ-береке жолдады.
Айта кетейік, бұған дейін Қасым-Жомарт Тоқаев Түрікменстан Президентімен кездесіп, екіжақты ынтымақтастық мәселелерін талқылаған еді.
