15 желтоқсанда Қазақстанның 15 облысында және Астана қаласында дауылды ескерту жарияланды. Бұл туралы «Қазгидромет» РМК мәлім етті.
Ұлытау облысында түнгі және таңғы уақытта тұман күтіледі. Жезқазған қаласында қар жауып, боран соғады, көктайғақ болады. Оңтүстік-батыс желдің жылдамдығы 15-20 м/с, күндіз екпіні 23-28 м/с-ке дейін жетеді.
Түркістан облысының оңтүстігі мен таулы аудандарында түнде қатты жауын-шашын (жаңбыр мен қар) күтіледі. Күннің бірінші жартысында таулы аймақтарда қалың қар жауады. Қарлы боран мен көктайғақ болады, облыстың оңтүстігінде тұман түседі. Жел 15-20 м/с, кей жерлерде 23-28 м/с-ке дейін күшейеді.
Шымкент қаласында түнде және таңертең кейде қатты жауын-шашын, көктайғақ және төменгі боран болады. Түркістан қаласында да жауын-шашын, көктайғақ және төменгі боран болжанған.
Қостанай облысының шығысы мен оңтүстігінде көктайғақ болады. Қостанай қаласында қар жауып, боран соғады. Желдің жылдамдығы 15-20 м/с, екпіні 23 м/с-ке дейін жетеді.
Маңғыстау облысының батысында, солтүстігінде және шығысында түнде қар жауып, төменгі боран мен көктайғақ күтіледі. Күндіз жаңбыр мен қар аралас жауын-шашын түседі. Солтүстік-батыс жел 15-20 м/с. Ақтау қаласында түнде қар, төменгі боран және көктайғақ болжанған.
Ақтөбе облысында түнде боран соғады, күндіз солтүстік, батыс және орталық аудандарда боран күшейеді. Жел 15-20 м/с, кей жерлерде 23-28 м/с-ке дейін жетеді. Ақтөбе қаласында төменгі қарлы боран болуы ықтимал.
Батыс Қазақстан облысының солтүстігінде, оңтүстігінде және шығысында қар жауып, боран соғады. Желдің жылдамдығы 15–20 м/с, түнде екпіні 23–28 м/с-ке дейін күшейеді. Орал қаласында да қар мен боран болады.
Жетісу облысының таулы аудандарында күндіз қар жауады, кей жерлерде қалың қар түседі. Көктайғақ пен төменгі боран болады. Облыстың батысы мен орталығында тұман болуы мүмкін. Талдықорған қаласында таңертең және түстен кейін тұман түседі.
Жамбыл облысында кейде тұман байқалады. Тараз қаласында тұман мен көктайғақ болжанған. Түнде желдің екпіні 15-20 м/с-ке дейін жетеді.
Алматы облысының солтүстігінде, оңтүстігінде және таулы аймақтарында тұман күтіледі. Алматы қаласында кейде тұман түсіп, таңертең және түстен кейін көктайғақ болады. Қонаев қаласында да осындай ауа райы сақталады. Жел кей уақытта 15-20 м/с-ке дейін күшейеді.
Павлодар қаласында қар жауып, боран соғады, көктайғақ болады. Желдің екпіні 15-20 м/с, кей жерлерде 23-28 м/с-ке дейін жетеді.
Шығыс Қазақстан облысында түнде қар жауып, боран мен көктайғақ күтіледі. Күндіз жауын-шашын күшейіп, кей аудандарда қалың қар жауады. Тұман түсіп, желдің екпіні 23-28 м/с-ке дейін жетеді. Өскемен қаласында да қар, боран және көктайғақ болады.
Абай облысында түнде қар жауып, боран соғады, көктайғақ күтіледі. Күндіз кей жерлерде қалың қар жауады. Семей қаласында таңертең және түстен кейін қарлы боран болжанған.
Атырау облысының солтүстігінде, оңтүстігінде және шығысында қар жауып, төменгі боран соғады. Түнде желдің екпіні 23-28 м/с-ке дейін күшейеді.
Қызылорда облысының солтүстігі мен орталығында аздаған қар жауып, боран мен көктайғақ болады. Қызылорда қаласында желдің жылдамдығы 15-20 м/с.
Солтүстік Қазақстан облысында көктайғақ күтіледі. Петропавл қаласында қар жауып, боран соғады, көктайғақ болады. Желдің екпіні 25 м/с-ке дейін жетеді.
Астана қаласында көктайғақ болады деп болжануда.
