Айбек Смадияров жаңа қызметке тағайындалды, – деп хабарлайды 7-su.kz ақпараттық порталы Ақордаға сілтеме жасап.
Мемлекет басшысының өкімімен Айбек Серікбайұлы Смадияров Қазақстан Республикасы Президенті Әкімшілігінің Ішкі саясат бөлімінің меңгерушісі лауазымына тағайындалды, – деп жазылған Ақорда хабарламасында.
Айбек Смадияров 1983 жылғы 7 шілдеде Оңтүстік Қазақстан облысында дүниеге келген. Абылай хан атындағы Қазақ халықаралық қатынастар және әлем тілдері университетін тәмамдаған.
Еңбек жолын 2005 жылы «Қазақстандағы Қытай банкі» АҚ-ның әкімшілік департаментінде маман болып бастаған.
Кейін Қазақстан Республикасы Сыртқы істер министрлігі жүйесінде түрлі жауапты қызметтер атқарды. Атап айтқанда, 2006-2008 жылдары Консулдық қызмет департаментінде маман, 2008-2010 жылдары Еуропа департаментінде атташе және үшінші хатшы болды.
2010-2012 жылдары Қазақстанның Мажарстандағы елшілігінде үшінші хатшы қызметін атқарды. 2012-2013 жылдары ҚР Президентінің баспасөз қызметінде сарапшы болып жұмыс істеді.
2013-2014 жылдары Сыртқы саяси сараптау мен болжамдау комитетінде бірінші хатшы болды. 2014-2018 жылдары Вьетнамдағы Қазақстан елшілігінде екінші және бірінші хатшы қызметтерін атқарды.
2018-2019 жылдары ҚР СІМ Баспасөз қызметін басқарды. 2019–2023 жылдары Халықаралық ақпарат комитеті төрағасының орынбасары – баспасөз хатшысы болды.
2023-2025 жылдары ҚР СІМ Коммуникациялар департаментінің директоры – ресми өкілі қызметін атқарды. 2025 жылғы наурыз айынан бастап Халықаралық ақпарат комитетінің төрағасы – ресми өкілі болды.
