Қасым-Жомарт Тоқаев соңғы жылдардағы жаһандық экономикалық тұрақсыздықтарға қарамастан, ЕАЭО елдерінің даму қарқыны бәсеңдемегенін атап өтті.
Бұл туралы 7-su.kz ақпараттық порталы хабарлайды.
– Биыл ЕАЭО-ға мүше мемлекеттердің жиынтық ішкі жалпы өнімі 2 пайызға ұлғаяды деп күтілуде. Алдағы екі жылда да өсім тұрақты болады деген болжам бар. Еуразиялық экономикалық одақ құрылғаннан бері ұйым елдерінің бір-біріне салған тікелей инвестиция көлемі 20 млрд. доллардан асты. Қазақстанға тартылған инвестиция көлемі жеті есеге жуық өсті: 2015 жылы 600 млн. доллар болса, 2024 жылы 4 млрд. долларға жетті. Сонымен қатар өнеркәсіп өнімі 29 пайызға артып, 1,5 трлн. долларды құрады, – деді Президент.
