Қазақстан Ұлттық құрамасының 26 жастағы ойыншысы Ислам Чесноков Шотландияның “Хартс” командасына ауысты.
Ислам Чесноковтың “Хартста” ойнайтындығы желтоқсанда белгілі болған. Алайда виза мәселесі, Шотландия футбол ассоциациясы (SFA) заңнамасына сәйкес тек қаңтардан бастап команда сапына қосылды, ресми хабарланды.
Дәл қазір Шотландия чемпионатында “Хартс” 20 ойыннан кейін 44 ұпай жинап, сенцаиялы түрде көш бастап келеді. Одан кейін турнирлік кестеде “Рейнджерс” (21 ойында, 41 ұпай), “Селтик” (20 ойында 38 ұпай) және “Мотеруэлл” (21 ойында, 36 ұпай) келеді.
“Хартс” өз тарихында Шотландия чемпионатын 4 мәрте (соңғысы 1960 жылы) жеңіп, 8 рет кубоктың иесі атанды.
Ислам Чесноков “Хартс” командасында 99-нөмірмен ойнайды. Әйгілі Transfermarkt сайты қазақстандық вингерді 1,20 миллион еуроға бағалаған.
“Алтайдан” (Шығыс Қазақстан) басталған спорттық мансабында “Белшина” (Беларусь) сапында екі маусым (2020; 2021) ойнап, 55 ойында 10 гол салды. Одан 2023 жылы “Тобыл” қатарына қосылып, үш маусым (2023; 2024; 2025) доп теуіп, 68 кездесуде 24 голдың авторы атанды. “Тобыл” командасымен Қазақстанның Кубогымен (2023, 2025) Суперкубогын (2024) жеңіп алды және Қазақстан чемпионатының бас мергені (2024 жылғы чемпионат, 10 голмен) болды.
Қазақстан ұлттық құрамасына 2023 жылы шақырту алып, алғашқы ойынын Финляндияға қарсы өткізді (2023 жыл, 7 қыркүйек). Ал ұлттық құрама жейдесінде 2023 жылы 17 қарашасында Сан-Мариноға қарсы ойында дубль жасап (екі гол) көзге түсті.
