«Қазгидромет» мамандары 8 қаңтар күні еліміздің басым бөлігінде қолайсыз метеорологиялық жағдайларға байланысты дауылды ескерту жариялады. Астана, Алматы, Шымкент қалалары мен 15 облыста тұман түсіп, боран соғып, жолдарда көктайғақ болады, – деп хабарлайды 7-su.kz ақпараттық порталы.
Синоптиктердің дерегінше, еліміздің солтүстік және шығыс аймақтарында қар жауып, жаяу боран соғуы ықтимал. Солтүстік Қазақстан, Шығыс Қазақстан, Абай, Павлодар және Қостанай облыстарында көріну деңгейі төмендейді. Алматы мен Астанада түнде және таңертең қою тұман түссе, Шымкентте де кей уақытта тұман болады.
Оңтүстік өңірлерде, атап айтқанда Атырау, Жамбыл, Батыс Қазақстан және Ақтөбе облыстарында жолдарды мұз басып, көктайғақ болу қаупі жоғары. Алматы облысының таулы аймақтарында желдің екпіні 15-20 м/с жылдамдыққа жетеді, кей жерлерде бұл көрсеткіш 25 м/с деңгейіне дейін барады.
