Алматы облысында алаяқ әйел қайтыс болған баланың еміне ақша жинаған. Әйел азаматтардың сеніміне кіріп, заңсыз түрде ақша тапқан.
ІІМ баспасөз қызметінің мәліметінше, арнайы операция аясында қылмыстық схемаларға қатысы бар күдіктілер ұсталған.
Қонаев қаласының 31 жастағы тұрғыны азаматтардың сеніміне кіріп, заңсыз түрде қаржылық пайда тапқан. Сондай-ақ оның тағы бір өрескел іске қатысы бар екені анықталды. Ол баланың еміне ақша жинау сылтауымен адамдарды алдаған.
Ал тағы бір эпизод бойынша 26 жастағы ер адам өзін жүк тасымалдаушы ретінде таныстырып, тауарды жеткіземін деген уәдемен 180 мың теңгені иемденіп кеткен.
«Барлық факті бойынша қылмыстық істер қозғалып, тергеу амалдары жүргізілуде. Құқық қорғаушылар күдіктілердің басқа алаяқтық әрекеттерге қатыстылығын тексеруде. “ANTI-FRAUD” операциясы жалғасуда, ал полиция азаматтарды сақтық танытып, алаяқтық схемалар туралы хабарлап отыруға шақырады», – деп мәлімдеді киберполиция қызметкерлері.
Дереккөз: aikyn.kz
Фото: polisia.kz
