«Жетісу» волейбол клубының бас бапкері Марко Гршич командамен арадағы келісімшартты тағы бір маусымға ұзартты. Енді серб жаттықтырушысы 2026-2027 жылғы маусымдада «Жетісу» командасын жаттықтарады, – деп хабарлайды 7-su.kz ақпараттық порталы.
Қазақстан чемпионатындағы ең титулды бапкер саналатын Марко Гршич «Жетісу» волейбол клубын 2023 жылдың желтоқсанынан бері жаттықтырып келеді. Былтырғы маусым серб маманы үшін сәтті болды. Ол «Жетісу» командасымен Азия чемпиондар лигасын, ел чемпионатын және Қазақстан кубогымен суперкубогын жеңіп алды.
Биыл Азия құрлығының намысын Бразилияда өткен клубтар арасындағы Әлем чемпионатында қорғады. Одан араға бір апта салып Өскеменде болған Қазақстан кубогында ойнап, қола медальға ие болды. Артынша ел Суперкубогы үшін болған ойында жеңіске жетті.
