Мемлекет басшысының өкімімен Елнұр Сабыржанұлы Бейсенбаев Қазақстан Республикасы Президенті әкімшілігінің Ішкі саясат бөлімінің меңгерушісі лауазымына тағайындалды, – деп хабарлайды 7-su.kz ақпараттық порталы.
Елнұр Бейсенбаев 1986 жылы 27 маусымда бұрынғы Оңтүстік Қазақстан облысы Кентау қаласында дүниеге келген. Ол Әл-Фараби атындағы Қазақ ұлттық университетінің түлегі, саясаттанушы, әлеуметтік ғылымдар магистрі.
Бұған дейін Алматы және Астана әкімдіктерінде қызмет атқарған. 2023 жылғы наурыздан бастап сегізінші шақырылған Қазақстан Республикасы Парламенті Мәжілісінің депутаты, AMANAT партиясы фракциясының жетекшісі болып табылады.
