Вашингтонда Қазақстан Президенті Қасым-Жомарт Тоқаев Америка Құрама Штаттарында тұрып жатқан және білім алып жүрген қазақстандық жастармен кездесті, – деп хабарлайды 7-su.kz ақпараттық порталы.
Кездесу барысында Мемлекет басшысы өскелең ұрпаққа үлкен үміт артатынын атап өтті. Оның айтуынша, ел болашағы – білімді, бәсекеге қабілетті жастардың қолында. Президент мемлекет тарапынан жастарға әрдайым қолдау көрсетілетінін, олардың жан-жақты дамуына және қабілетін шыңдауға барлық қажетті жағдай жасалып жатқанын жеткізді.
Сондай-ақ Қасым-Жомарт Тоқаев наурыз айында өтетін Қазақстан Республикасының жаңа Конституциясы жобасы бойынша жалпыхалықтық референдумға тоқталды. Ол бұл саяси науқанның ел дамуы үшін тарихи маңызы зор екенін айтып, азаматтардың белсенділігі мемлекет болашағына тікелей әсер ететінін атап өтті.
Кездесу барысында студенттер мен жас зерттеушілер ғылым мен білім саласына көрсетіліп отырған қолдау үшін Президентке ризашылықтарын білдірді. Олар шетелде білім алып жүрсе де, Қазақстанның дамуына үлес қосуға дайын екенін жеткізді.
