Қаратал ауданында Ұлттық мектеп лигасы аясында 9-11-сынып оқушылары арасында баскетбол, волейбол, футзал, шахмат және үстел теннисінен жарыс өтті. Жеңімпаздарды марапаттау рәсімі аудандық Мәдениет үйінде салтанатты түрде ұйымдастырылды.
Марапттау рәсіміне аудандық білім бөлімінің басшылығы, мектеп директорлары, дене шынықтыру пәнінің мұғалімдері, спорт жанашырлары қатысты. Іс-шара барысында жеңімпаз командаларға І, ІІ, ІІІ дәрежелі дипломдар, медальдар мен кубоктар табысталды. Сонымен қатар, «Үздік нәтиже көрсеткен мектеп» секілді арнайы номинациялар мектеп басшыларына тапсырылып, Алғыс хаттар мен естелік сыйлықтар берілді.
Аудандық кезеңде І орын алған командалар облыстық кезеңге жолдама алып, аудан намысын қорғайды. Бұл – оқушылардың табандылығы мен еңбегінің нәтижесі әрі үлкен жауапкершілік жүктейтін мәртебе.
Ұлттық мектеп лигасы – оқушыларды тек жарыс алаңында ғана емес, өмірде де шыңдайтын, достық пен ынтымақтастықты нығайтатын маңызды жоба екендігі айтылды.
Осындай игі бастамалар жас ұрпақтың дені сау, белсенді әрі мақсатшыл болып қалыптасуына зор ықпал етеді. Спорт – денсаулық кепілі, ал жеңіс – тынымсыз еңбектің жемісі.
Гүлім ҚАЖИМҰРАТ
ЖУ студенті
