Қаратал ауданында орналасқан №15603 әскери бөлімінің 40 сарбазы бір мезетте №147 сайлау учаскесіне келіп, ел тағдырына қатысты маңызды науқанда өз таңдауларын жасады, – деп хабарлайды 7-su.kz ақпараттық порталы.
Сап түзеп келген әскери қызметкерлер дауыс беру рәсіміне бір кісідей атсалысып, азаматтық борыштарын абыроймен орындады. Отан алдындағы міндетін адал атқарып жүрген сарбаздар бұл жолы да ел болашағына бейжай қарамай, қоғамдық-саяси маңызы зор шараға белсенділік танытты.
Әскери тәртіп пен ұйымшылдықтың үлгісін көрсеткен жауынгерлер дауыс беру арқылы мемлекет дамуына өз үлестерін қосуды парыз санайтынын жеткізді. Олар үшін елдің ертеңі мен тұрақты дамуы – әрбір азаматтың ортақ жауапкершілігі.
Айта кетейік, №147 сайлау учаскесінде дауыс беру үдерісі заң талаптарына толық сай, ашық әрі жоғары деңгейде ұйымдастырылған. Учаскеде бақылаушылар мен комиссия мүшелері жұмыс істеп, тұрғындар өз таңдауларын еркін жасауға барлық жағдай жасалған.
