Кербұлақ ауданындағы №186 сайлау учаскесінде Alacem цемент зауытының ұжымы референдумға қатысып, өз дауыстарын берді. Кәсіпорын қызметкерлері учаскеге келіп, ел болашағына қатысты маңызды науқаннан шет қалмай, азаматтық белсенділіктерін көрсетті, – деп хабарлайды 7-su.kz ақпараттық порталы.
Ұжымдастармен ел болашағына таңдау жасағандардың бірі Дамир Болысбай. Оның айтуынша, елге пайда тигізудің ең тиімді жолы – дұрыс таңдау.
– Мен үшін бұл референдумнан қалыс қалмай, көппен бірге саяси үдеріске қатысу маңызды. Бүгін біз өзіміз елдің болашағын қалыптастырып, балаларымыз үшін оның қандай болатынын анықтаймыз, – деді ол.
Зауыт ұжымы референдумға қатысу – әр азаматтың жауапкершілігі екенін айтып, өз таңдауларын жасады.
